Эрдмийн гэрэл гэгээ айл бүрд түгэн, шинжлэх судлахын ухааныг өргөө бүрийн хойморт залж, юу санасан есөн цагаан хүсэл нь сэтгэлчлэн бүтэхийн өлзийтэй ерөөлийг өргөн дэвшүүлье. XVII жарны “Хилэнт эх” хэмээх модон луу жилдээ “Олонлог Академи” сургуулийн сурагчид, сурган хүмүүжүүлэгч багш нар, ажилтнууд, эцэг эх, асран хамгаалагч та бүхэн минь сар шинэдээ сайхан шинэлээрэй.
Сар шинийн босгон дээр “ТЭНГЭРИЙН БИЧИГ” дугуйлангийн сурагчид “ДӨРВӨН ЦАГ” сэдэвт бүтээлийн хамтарсан үзэсгэлэнгээ гаргасан байна. Уран бичлэгийн дугуйланд VII-XI ангийн сурагчид хамрагдан монгол бичгийн онолын мэдлэгээ ашиглан бийрээр бичих чадварт суралцаж, уран сэтгэмж, авьяас чадвараа хөгжүүлж үнэхээр содон сайханд суралцсан нь бахархалтай.
